Baboo 尪仔標的世界 歌詞

8.尪仔標的世界

作詞：林暐哲
作曲：林暐哲

我做囝仔的時陣 不知啥米叫做無伴
功課那咧寫 外口都那咧喚(喂出來喔搧尪仔標喔)
彼個死囝仔阿文尚大聲 每拜害我去給阮母仔罵
不過愈罵心肝煞愈癢 功課連一半著寫沒了
尪仔標沙咧著沒看耶影 攏無驚到時陣會吃兩頓打

暗頓吃媽媽 早頓老師請
反正手也未膨泡 尪仔標一定愛搧贏

義美耶鐵餅盒仔裡底 圓圓仔尪仔標一桶一桶
有新 有舊 有贏來 有買來 攏總馬有歸囉百張

我沒別項會賽 搧尪仔標尚厲害
我沒別項會賽 尪仔標是我的世界

尪仔標給媽媽燒了了 我開始瞭解什麼叫做無情
尪仔標咧著火 我心內的火咧著(唉查某人心肝真雄)

阿文帶頭耶那陣猴囝仔 自那拜著未曾來招我去遊玩
害我讀冊愈讀愈無心情 功課歸去煞攏沒寫
鉛筆舉咧嘴耶黑白咬 對人生我開始感覺無聊

三頓照常吃 打罵攏不驚
等我後拜大漢 尪仔標一定愛賺飽飽

銀行耶屜仔內底 四四角角耶尪仔標一塔一塔
有新 有舊 大筆 小筆 一天嘛有歸囉百萬

我沒別項會賽 數尪仔標尚厲害
我沒別項會賽 我活在尪仔標的世界
我活在尪仔標的世界
尪仔標是我的世界